藝術深耕融入在地文化-埔心三蜜、羅厝天主堂 陶藝作品-班級牌

[沒關係醫生]繪本改編閩南語版本

各位評判老師，各位小朋友，大家好!

1.大家敢有聽過在咱埔心鄉，有一間「再枝診所」? 有一位老醫生，他定定騎鐵馬四界跑，張家有人破病、李家有人受傷，他就會去替人醫治。這間診所干那伊一個人。患者若來，他看病、注射、包藥ㄚ，攏總自己來。

老醫生上接講的一句話，就是「無要緊！無要緊！」

2.「叩!叩!叩!」半夜阿狠狂的挊門聲，共佇咧睏的老醫生吵起來。老醫生三步作兩步走，趕緊開門。一個氣喘未離的人：「醫生醫生，拍…謝…」，「無要緊！無要緊！緊入來，我看嘛咧。」

3.有一天，老醫生來到王家，王家是大家口仔，𪜶趁著老醫生出診，無爽快的人攏來排隊，大大小小排佮親像一尾長長的龍。看規半哺總算看完，王家的人講：「醫生，真拍謝! 會使等到割韭菜抑是稻子收成，才徛你算?」

老醫師抑是一句:「沒要緊!没要緊!有錢才付就好。」

4.風雨就大的透早，老醫生嘛是騎鐵馬出門，因為跋倒受傷的林阿伯需要救治。三更半暝，老醫生騎在無路燈的小路，迵過暗毿的竹林，因為有人要生產阿。無閒一暝，囡仔平安出世。算算咧，老醫生攏總接生八個嬰仔，其中抑有兩對雙生仔喔!

5.隔壁庄歲數真大的阿伯，伊在風颱天的半暝氣喘(嘿咕)發作，伊的序細看到序大艱苦的模樣，只好去揣(找)老醫生。拄好欲睏的老醫生了解情形了後，就隨穿雨衣、兩鞋，那安慰:「没要緊!我馬上去恁兜。」

邱仔𪜶厝真散赤，中風的老爸没錢看病。老醫生要邱仔𤆬𪜶(帶他)老爸來病院。伊佮邱仔講：「没錢沒要緊，汝免煩惱，身體健康，卡重要!趕快𤆬來乎我看。」老醫生知影邱仔沒錢，替𪜶老爸看病、注射攏無收費。

6.庄仔頭的路，只要遇到落雨天，整條路就親像漉糊仔糜，連牛車的輪子嘛會

塌 佮行袂振動。庄裡決定逐家輪流出力來鋪路。毋過，無錢買點仔膠和工具。老醫師佮大家講：「没要緊!不夠的錢我來出!」就按呢，路真快都鋪好啊! 這就是埔心鄉第一條點仔膠路-羅厝路。

7.禮拜日，有的人會去郊外行行咧;有的人會在厝裡好好休睏。毋過，老醫生無休睏，伊透早就拍開大門，因為伊驚患者揣(找)無醫生。

8.[再枝診所]是埔心鄉上早的西醫診所，不論是埔心、永靖、溪湖，大家攏知道生苦病痛找[再枝仙]。許醫師不只奉獻他的專業和愛心，而且為村民爭取羅厝國小的創立，讓大家方便讀書，又做16年的家長會長。這位[無要緊醫生]看顧大家的健康和學習，用一世人守護著大家，真是使人懷念和欽佩!

我的故事講到這，感謝大家!

9.真濟年過去了，老醫生也是逐工打開診所的大門，迎接來揣伊的患者。老醫生已經九十歲了，他頭毛白鑠鑠、身軀嘛曲痀，但是他也擱咧替人看診、配藥、包藥。老醫生用一世人守護著村民，伊是村民上溫暖的倚靠。

一直到今嘛，大家也是真懷念這位[無要緊醫生]-他就是使人欽佩的[許再枝醫師]。

[沒關係醫生]繪本改編閩南語版本

羅厝國小布袋戲防疫劇本

角色: 阿公和小明

小明: 阿公，我轉來矣! (歡喜的語調)

阿公: 小明，你今仔日哪會遮歡喜?

小明: 今仔日老師教阮唸一段真趣味的防疫唸謠呢!

阿公: 喔~是什麼防疫唸謠?

小明: 阿公你一定愛學起來，會當保護家己嘛會當保護別人!

阿公: 好好好! 阿是欲按怎唸?

小明: 來!我唸一句，你綴我唸一句。

小明:用雪文捷洗手 (阿公跟著唸)

小明:手面手盤洗清氣 (阿公跟著唸)

小明:三頓正常顧營養 (阿公跟著唸)

小明:鼻目喙莫烏白摸 (阿公跟著唸)

小明:掛喙罨上安全 (阿公跟著唸)

小明:愛洗手嘛愛運動 (阿公跟著唸)

小明:逐工健康閣快樂！(阿公跟著唸)

小明:阿公真厲害!一擺就會曉!咱閣作伙唸一擺!

阿公:乖孫的真gâu閣會曉教阿公呢! 好!來！閣唸一擺!

(兩人一起唸，第二次-逐工健康閣快樂！嘿!)